මහරගම නගරයේ පිහිටි බෝ ගසේ අත්තක් ඊයේ (28) රාත්‍රී 07.30 ට පමණ කඩාවැටීමෙන් මහරගම හයිලෙවල් මාර්ගයේ රථ වාහන ධාවනයට බාධා එල්ල වී තිබිණි.
එම අනතුරින් මෝටර් රථයකට, ත්‍රීරෝද රථ දෙකකට සහ යතුරු පැදියකට හානි සිදුව තිබුණු අතර එහිදී පුද්ගලයින් දෙදෙනෙකු තුවාල ලබා කළුබෝවිල රෝහලට ඇතුළත් කර ඇති බවයි පොලීසිය සඳහන් කළේ.
එම කඩාවැටුණු බෝ අත්ත ඊයේ රාත්‍රියේදීම එම ස්ථානයෙන් ඉවත් කිරීමට කටයුතු කර ඇත.
RN
