කොළඹ LNW: සන්ධානගත වීමකදී එන හැමකෙනා එක්කම එකතු වීම කළ යුතු නැති අතර මහජන විශ්වාසය සහිත චෝදනාවන්ට ලක් නොවුණු පුද්ගලයින් කණ්ඩායම් එකතු කරගැනීමට ප්‍රවේශම් විය යුතු බව සමඟි ජන බලවේගයේ ජාතික සංවිධායක පාර්ලිමේන්තු මන්ත්‍රී තිස්ස අත්තනායක මහතා පැවසුවේය.
මෙහිදී වඩා වැදගත් වන්නේ මහජන විශ්වාසය පළුදු නොවීම බව අත්තනායක මහතා කියාසිටියේය.
ඊයේ දිනයේදී අත්සන් තැබුණු සමඟි ජන සන්ධානයේ එම අවස්ථාවට සහභාගී වීමට නොහැකි වූයේ තමන් ඒ ගැන දැනගත්තේ ඊට පැය 24කට පෙර වූ හෙයින් යොදාගෙන තිබුණු වෙනත් කාර්යයකට තමන්ට යොමුවීමට සිදුවූ බවයි අත්තනායක මහතා සඳහන් කළේ.
ඉදිරි ජනාධිපතිවරණය සඳහා ශක්තිමත්ව මුහුණ දීම සඳහා සන්ධානගතවීම පක්ෂයේ නායකත්වයට කෘත්‍යාධිකාරී මණ්ඩලය විසින් එකඟතාව ලබා දී ඇති බවයි ඔහු කියාසිටියේ.
කෙසේවෙතත් ඇතිකරගන්නා වූ එකඟතාවන් ගැන පක්ෂයේ ජ්‍යෙෂ්ඨයින් සමඟ තවදුරටත් සාකච්ජා කිරීම වැදගත් වන බවද මන්ත්‍රීවරයා ප්‍රකාශ කළේය.
ආශිකා බ්‍රාහ්මණ
