කොළඹ LNW:2015 ජනාධිපතිවරණයට ඉදිරිපත්වන ලෙස ඉල්ලීම් රැසක් තිබුණද ඒවා නොසලකා ශ්‍රී ලංකා නිදහස් පක්ෂයේ මහ ලේකම්වරයා ඒ මොහොතේ ඊට ඉදිරිපත් කළේ විශාල බලාපොරොත්තුවක් වුවද ඔහු රටත් විනාශ කර පක්ෂයත් විනාශ කළ අතර අද එම වැරැද්ද නිවැරදි කළ බව ශ්‍රී ලංකා නිදහස් පක්ෂයේ ප්‍රධාන අනුශාසක හිටපු ජනාධිපතිනි චන්ද්‍රිකා කුමාරතුංග මහත්මිය පැවසුවාය.
ඒ, අද (08) ශ්‍රී ලංකා නිදහස් පක්ෂයේ දේශපාලන මණ්ඩල රැස්වීමෙන් අනතුරුව මාධ්‍ය වෙත අදහස් දක්වමිනි.
පක්ෂයේ සභාපති ලෙස හිටපු ජනාධිපති මෛත්‍රීපාල සිරිසේන මහතාගේ පක්ෂ සභාපති ධූරය අත්හිටුවමින් අධිකරණ නියෝගයක් නිකුත් කර තිබෙන අතර ඒ අනුවයි අද පක්ෂයේ ඉදිරි කටයුතු පවත්වාගෙන යාම සඳහා මෛත්‍රී විරෝධී කණ්ඩායම විසින් දේශපාලන මණ්ඩලය කැඳවා වැඩබලන තනතුරු කිහිපයක් පත්කිරීම ඇතුළු ඉදිරි ක්‍රියාමාර්ග සඳහා තීන්දු තීරණ කිහිපයක් ගෙන තිබුණි.
මෛත්‍රීපාල සිරිසේන මහතාට පිස්සු බවයි තවදුරටත් කුමාරතුංග මහත්මිය කියාසිටියේ.
ආශිකා බ්‍රාහ්මණ
