ආපන ශාලාවල අලෙවි කරන කිරි තේ එකක මිල රුපියල් 100 ක් දක්වා ඉහළ දැමීමට තීරණය කර ඇති බව සමස්ත ලංකි ආපන ශාලා හිමියන්ගේ සංගමයේ සභාපති අසේල සම්පත් මහතා පවසනවා.
ආනයනික කිරිපිටි මිල ඉහළ යාම මත මෙම තීරණයට එළඹි බවයි ඔහු පවසන්නේ. මීට අමතරව තේ කොළවල මිල ඉහළ යාමද එහිදී සැළකිල්ලට ගෙන තිබෙනවා.
කිරිපිටි මිල ස්ථාවරව පැවතියහොත් ඉදිරි වසරක කාලය තුළදී කිරි තේ එකක මිල ඉහළ නොදමන බවත්, කෙසේ නමුත් ඩොලර් අර්බුදය හේතුවෙන් ඕනෑම අවස්ථාවක ආනයනික කිරිපිටි මිල යළිත් ඉහළ යා හැකි බවත් අසේල සම්පත් මහතා සඳහන් කරනවා.
මේ වනවිටත් රටේ බොහෝ ප්රදේශවල සාමාන්ය ආපන ශාලා වසාදමා ඇති අතර දැනට ක්රියාත්මක ඇතැම් ආපන ශාලාවලද කිරි තේ අලෙවි නොකරයි. රටේ පවතින කිරිපිටි හිගය සහ කිරි තේ සඳහා ඉල්ලුම අවම වීම ඊට හේතුව බවයි ආපන ශාලා හිමියන් පවසන්නේ.
අවසන් වරට සිදුකළ මිල සංශෝධනය අනුව කිරි තේ අලෙවි වූයේ රුපියල් 80 ක මිලකටයි.
UN
