කොළඹ LNW:ශ්‍රී ලංකා නිදහස් පක්ෂයේ සභාපති ලෙස මෛත්‍රීපාල සිරිසේන මහතා ගත් වැරදි තීන්දුවල ප්‍රතිඵලයක් ලෙස පක්ෂය තුළ අද මුහුණ දී සිටින අර්බුදකාරී තත්ත්වය ගොඩනැගී ඇති අතර පක්ෂය යළි ගොඩනැගීමට නම් මෛත්‍රීපාල සිරිසේන මහතාට එරෙහි වාරණ නියෝගය අවුරුදු 500ක් වත් ක්‍රියාත්මක විය යුතු බව ශ්‍රීලනිප හිටපු මහ ලේකම් පාර්ලිමේන්තු මන්ත්‍රී දයාසිරි ජයසේකර මහතා පැවසුවේය.
සිරිසේන මහතා ශ්‍රීලනිපය විනාශ කිරීම ආරම්භ කළේ තමන්ව එළියට දැමීමට ගත් තීරණයත් සමඟ බවයි ජයසේකර මහතා කියාසිටියේ.
පක්ෂයේ අර්බුදය තවදුරටත් දිගුවක් කරමින් පක්ෂයේ කෙනෙක් සභාපති නොකර පිටින් ආදේශ කර වැඩ බලන සභාපති පත්කිරීමම විශාල වේදනාවක් බවද ඔහු සඳහන් කළේය.
තමන් සහ තිලංග සුමතිපාල එක්ව බලන්නේ පැත්තක් නොගෙන මැද තැනක සිට පක්ෂය නිවැරදි තැනට ගැනීම බවද මන්ත්‍රීවරයා ප්‍රකාශ කළේය.
අවසානයේ මෛත්‍රීපාල සිරිසේන මහටහ විසින් ගෙන ඇත්තේම මෝඩ තීරණ බවද දයාසිරි ජයසේකර මහතා පවසන ලදී.
ASK
