වත්මන් ආණ්ඩුව ගෙනයන රාජ්‍ය ආයතන පෞද්ගලීකරණය කිරීමේ වැඩපිළිවෙලට එරෙහිව ශ්‍රී ලංකා පොදුජන පෙරමුණේ නායක, හිටපු ජනාධිපති මහින්ද රාජපක්ෂ මහතා විසින් විශේෂ නිවේදනයක් නිකුත් කර තිබේ.
ඒ අනුව ජනාධිපතිවරණයට ඇත්තේ තව මාස කිහිපයක් පමණක් බැවින් ඉදිරි ජනාධිපතිවරණයෙන් පසු නව රජයක් පිහිටුවන තුරු රජය සතු වත්කම් සහ ව්‍යාපාර විකුණා දැමීමට ගෙන ඇති සියලු තීරණ සහ පියවර අත්හිටුවිය යුතු බවයි රාජපක්ෂ මහතා සිය නිවේදනයෙන් ආණ්ඩුවට යෝජනා කර ඇත්තේ.
ඊළඟ ජනාධිපතිවරණය ජයගන්නා පාර්ශ්වයට ඔවුන්ට ලැබෙන ජනවරම අනුව රජය සතු දේපළ සහ ව්‍යාපාර සම්බන්ධයෙන් කටයුතු කළ හැකි බව ඒ මහතා සිය නිවේදනයෙන් වැඩිදුරටත් සඳහන් කර ඇත.
RN
