සටහන – රෂිකා හෙන්නායක
මැයි 17, කොළඹ (LNW):මීට වසර 7කට පෙර සයිටම් විශ්වවිද්‍යාලය අහෝසි කරන ලෙස පැවති උද්ඝෝෂණයකදී අධිකරණ නියෝග කඩකළ බවට පැවති නඩුවක දී වරද පිළිගත් වෛද්‍යවරුන් තුන් දෙනෙකු අවවාද කර මුදා හැරුණා.
මොවුන්ට එරෙහිව චෝදනා එල්ල වී තිබුණේ, මෙම උද්ඝෝෂණයේ දී මොවුන් අධිකරණ නියෝග කඩ කර ඇති බවට වන අතර, ඔවුන් වෛද්‍යවරුන් ලෙස ඉටුකරන සේවය සලකා බලා සිද්ධියෙන් නිදහස් කරන ලෙස ඔවුන්ගේ නීතිඥවරුන් ඉල්ලා සිටි බව සඳහන් වේ.
නීතිඥවරුන්ගේ කරුණු දැක්වීම මෙන්ම පෙර වැරදි නොමැති වීමත් සලකා බලා ඔවුන් නිදොස් කොට නිදහස් කිරීමට කොටුව මහේස්ත්‍රාත් කෝසල සේනාධීර මහතා නියෝග කළ බව තොරතුරු සඳහන්වේ.
