තමන් නැවතත් කිසිදිනෙක ශ්‍රී ලංකා පොදුජන පෙරමුණට සම්බන්ධ වීමට බලාපොරොත්තු නොවන බව පාර්ලිමේන්තු මන්ත්‍රීනී, විශේෂඥ වෛද්‍ය සුදර්ශනී ප්‍රනාන්දුපුල්ලේ මහත්මිය පවසයි.
ප්‍රශ්නය – ඔබතුමිය පාර්ලිමේන්තුවේ ස්වාධීන වුණා ?
“ඔව්, මම තවමත් ස්වාධීන මන්ත්‍රීවරියක් හැටියට විපක්ෂයේ වාඩිවෙලා ඉන්නවා. තවම කිසිම පාර්ශ්වයක් එක්ක සම්බන්ධ වෙලා නෑ”
ප්‍රශ්නය – ඔබ ස්වාධීන වුණාට පොහොට්ටුවෙන් තමයි පාර්ලිමේන්තුවට ඇවිල්ලා ඉන්නෙ. හිතෙන්නෙ නැද්ද මේ ගමන හරි ආකාරයෙන් හරිගස්සාගෙන පොහොට්ටුවත් එක්ක ඉදිරියට යන්න පුළුවන් කියලා ?
“නෑ. මම කවදාවත් නැවත පොහොට්ටුවත් එක්ක සම්බන්ධ වෙන්න බලාපොරොත්තු වෙන්නෙ නෑ”
ප්‍රශ්නය – ඔබතුමිය බලාපොරොත්තු වෙන, මේ රට හදන්න පුළුවන් කියන තැන ඉන්න කවුරුන් හෝ දේශපාලනඥයො මේ වෙනකොට මේ භූමිකාවෙ ඉන්නවද ?
“අපි බලමු නේද ? රටේ ජනතාවත් ඉල්ලන්නෙ අලුත් වැඩපිළිවෙලක්, අලුත් මුහුණු නෙ ඉල්ලන්නෙ”
ප්‍රශ්නය – ඔබතුමිය කැමති නැද්ද මේ දේ ගැන කතා කරන්න ?
“නෑ, ඇත්තටම දේශපාලනය ගැන පොඩි කළකිරීමක් මටත් තියෙනවා”
සුදර්ශනී ප්‍රනාන්දුපුල්ලේ මහත්මිය මේ බව පැවසුවේ ස්වර්ණවාහිනී රූපවාහිනී නාලිකාව සමග අදහස් දක්වමිනි.
RN
