සටහන – රෂිකා හෙන්නායක
මැයි 26, කොළඹ (LNW): කිසියම් වංචනික පිරිසක් විසින්, රේගු දෙපාර්තමේන්තුවේ රැකියා ලබාදෙන බව පවසමින් මුදල් ලබාගැනීමේ ජාවරාමක් සම්බන්ධයෙන් තොරතුරු අනාවරණය වී ඇති බව රේගු මාධ්‍ය ප්‍රකාශක සීවලි අරුක්ගොඩ පැවසුවේය.
ඒ සම්බන්ධයෙන් මේ වනවිට පැමිණිලි රැසක් ලැබී ඇති බවත්, වක්‍ර ආකාරයෙන් රේගුවට බැඳීමට හැකියාවක් නොමැති බවත් ඒ මහතා කියා සිටී.
පවත්වන ලද විභාවවලින් පමණක් රේගුවට බඳවා ගැනීම් සිදු කරන අතර තව දුරටත් එවැනි වංචාකාරයින්ට හසු නොවන ලෙස රේගු මාධ්‍ය ප්‍රකාශකවරයා වැඩිදුරටත් ජනතාවට කියා සිටී.
