සටහන – රුවන් නෙළුගොල්ල
ප්‍රවීණ සංගීතඥ, ගායන සහ වාදන ශිල්පී ආනන්ද පෙරේරා මහතා අභාවප්‍රාප්ත වී තිබේ.
අසනීප තත්වයක් හේතුවෙන් මහනුවර ජාතික රෝහලේ ප්‍රතිකාර ලබමින් සිටියදී අද (26) පස්වරුවේ ඒ මහතා අභාවප්‍රාප්ත වී ඇත.
මියයන විට ඒ මහතා 67 වැනි වියේ පසුවිය.
ආනන්ද පෙරේරා මහතා නායකත්වය දුන් සිහශක්ති සංගීත කණ්ඩායම එක් යුගයක මෙරට ජනප්‍රියත්වයේ ඉහළින්ම සිටියේය.
ආනන්ද පෙරේරා යනු ශ්‍රී ලංකාවේ ජන සංගීතයේ සිට පෙරදිග ශාස්ත්‍රීය සංගීතය මෙන්ම බටහිර සංගීතයත්, ඇමරිකානු සහ අප්‍රිකානු ජන සංගීතයත් කෙරෙහි අවධානය යොමු කරමින් ශ්‍රාස්ත්‍රීය අභ්‍යාස කළ විශිෂ්ට සංගීතවේදියෙකි.
