අප්‍රිකා කලාපය කොළරාවෙන් වැසෙයි!

සටහන – රෂිකා හෙන්නායක

මැයි 2 ලෝකය (අවුට්බවුන්ඩ් ටුඩේ): අප්‍රිකා කලාපය දැඩි අර්බුදයකට මුහුණ දී සිටින බව ලෝක සෞඛ්‍ය සංවිධානය පෙන්වා දෙයි .ඒ කොලරා රෝගයේ ශීඝ්‍ර ව්‍යාප්තියත් සමගයි.

අයහපත් කාලගුණය / යුද ගැටුම් / සරණාගතයින් හා කොලරා රෝගයට එරෙහි එන්නත් ප්‍රමාණවත් තරම් නොලැබීම ආදී කරුණු හේතුවෙන් රෝගයේ ව්‍යාප්තිය ඉහළ ගොස් ඇති බවයි වාර්තා වේ.

2021 වසරේ සිට මේ දක්වා කොලරා රෝගය හේතුවෙන් අප්‍රිකා කලාපය තුළ පුද්ගලයින් 6,000ට අධික සංඛ්‍යාවකට ජීවිත අහිමිවී තිබෙන බව පැවසෙන අතර, වාර්තා වී ඇති කොලරා ආසාදිතයින් සංඛ්‍යාව 350,000ට ආසන්න බව වාර්තා වේ.

කොලරා ව්‍යාප්තියෙන් අප්‍රිකා කලාපය තුළ වැඩිම බලපෑමක් එල්ලවී ඇති රටවල් ලෙස මලාව / සැම්බියා / සිම්බාබ්වේ / මොසැම්බික් / කෙන්යා / ඉතියෝපියා හා සෝමාලියාව සඳහන් වේ.