දුම්රිය දෙපාර්තමේන්තුව විසින් යම් හෙයකින් නගරාන්තර දුම්රියවල සහ විශේෂිත දුම්රියවල ගාස්තු සංශෝධනයක් කර එය මාධ්‍යයට නිකුත් කර තිබුණ අතර තමන් මැදිහත් වී එය වහාම අත්හිටවූ අතර ගාස්තු සංශෝධනය ගැන සාකච්ජාව පැවැත්වෙන්නේ ද අද (25) පස්වරුවේ බව ප්‍රවාහන අමාත්‍ය දිළුම් අමුණුගම මහතා පවසයි.
ඒ අනුව අද රාත්‍රී 12.00 සිට කිසිම දුම්රියක ගාස්තු වැඩි වීමක් සිදුනොවන බවයි අමාත්‍යවරයා සඳහන් කරන්නේ.
නමුත් අද රාත්‍රියේ පවත්වන සාකච්ජාවෙන් අනතුරුව ලබන සඳුදා, අඟහරුවාදා වන විට නව ගාස්තු සංශෝධනයක් ප්‍රකාශ කිරීමේ හැකියාව ලැබෙනු ඇති බවද හෙතෙම ප්‍රකාශ කරන ලදී.
විශාල ලෙස ගාස්තු වැඩි වීමක් සිදුනොවන අතර ඉන්ධන පිරිවැය ආවරණය කරගැනීම සඳහා වන මිල වැඩි කිරීමක් පමණක් සිදුවනු ඇති බවයි අමාත්‍යවරයා තවදුරටත් සඳහන් කළේ.
ASK
