පියුමෙහි පැණි බොන්ඩ ඇතිවද ආසාව
දන්නෑ පියුම හා මුමුණන බාසාව
එබැවිනි පියුම පිළිබඳ මේ ගෝසාව
කෝ කොහි අම්බරුවො සිහිනෙන් සී සෑව
පුෂ්පරාගයකි දිදුලන කහවත්ත
ගොබ්බ රාශි එය වෙනුවෙන් ගහගත්ත
මුට්ටි කාසි මැද කයිසමෙ රීගත්ත
කිම්ද මෙහෙම කෙරුවේ උඹ මහවත්ත
ටික් ටොක් ලොවේ අග රැජිනිය සමනොලියා
ටුක් ටුක් රහට නෙත් සනසන මනලොලියා
ජක් මක් හඬට හිත් මඬවන සුකොමලියා
දුක් දී නුඹට ලබනුද මොන සැනසිලියා
ඇත්ත යුත්ත ගැන මැදිහත් විය යුත්තේ
පිස්සු හැදුණු කෙරුමනි කෝ ඈ මත්තේ
හක්ක පයිනසුළු නිදසුන් ඇයි නැත්තේ
මෙන්න නිදසුනක් දියවන්නා පැත්තේ
ජංගි වලට ටැග් අමුනන සරතාණ
හංස යුවළකට පෙම් බැඳි සුරතාණ
කින්ඩි අතර මැද මුවගින් බොග දාන
සිංහ සෙයින් හිටියට මැටි ගිලදාන
ග්රෑම් දෙක තුනේ ගඳකිළි හති අරින
ඉන්ස්ටග්රෑමෙ වෙන කවුරු ද සුරබිදෙන
සිතු පැතු රුසිරු ෆැන්ටසියම මවාදෙන
ඒ පිං මදිද සංසාරය කෙටි කෙරෙන
නිකැලැල්ලෝ ඇය පසු පස ලුහුබඳිතී
උන් අත පොලු මුගුරු කැට ද කැබිලිතී
මුනිවරු නැත ද ඇය බේරාගනු කැමතී
ඈ කොක්සන් හඬට බිල්ලෝ ද බියවෙතී
~ කෞ ද බෝයි
