කොළඹ LNW: ඉන්දියාවේ උත්තර් ප්‍රදේශ් ප්‍රාන්තයේ හත්‍රාස් දිස්ත්‍රික්කයේ මුගල් ගාර්හි ගම්මානයේ ආගමික ස්ථානය පැවති යාඥාවකට එක්ව සිටි පුද්ගලයින් 87 දෙනෙකු මරණයට පත්ව ඇති බව විදෙස් මාධ්‍ය වාර්තා කරයි.
එම ආගමික කටයුත්තට අදාළව ඉතා විශාල පිරිසක් සහභාගී වී ඇති අතර එම ස්ථානයේ පැවති තෙරපීම හේතුවෙන් එලෙස මරණ සිදුව ඇති බවටයි වාර්තා කර තිබෙන්නේ.
ශිව දෙවියන් උදෙසා පූජාවක් සිදුකර තිබෙන අතර පිරිස ඉන් ඉවත්ව යනවිට එම තෙරපීම සිදුව තිබේ.
එම ගම්මානය නවදිල්ලි නුවරට කිලෝමීටර 200ක් දුරින් ගිනිකොණ දෙසින් පිහිටා ඇති බව සඳහන්.
මෙම මරණ සංඛ්‍යාව තවදුරටත් වැඩිවිය හැකි බවට එම හත්‍රාස් දිස්ත්‍රික්කයේ පොලීසිය පවසා ඇති අතර අනතුරට ලක්වූවන් රෝහල ගත කර තිබෙන බවයි විදෙස් මාධ්‍ය තවදුරටත් පවසන්නේ.
මෙම අනපේක්ෂිත සිද්ධිය හේතුවෙන් අදාළ ප්‍රාදේශීය රෝහල පිටත ඉතා කලබලකාරී ස්වභාවයක් ගෙන තිබෙන අතර සිද්ධිය සම්බන්ධයෙන් අග්‍රාමාත්‍ය නරේන්ද්‍ර මෝදී මහතාද සිය ශෝකය පළකර ඇත.
ආශිකා බ්‍රාහ්මණ
