සටහන – රුවන් නෙළුගොල්ල
වසර තුනක බරපතළ වැඩ සහිත සිර දඬුවමක් නියම වී බන්ධනාගාරගතව සිටින හිරුණිකා ප්‍රේමචන්ද්‍ර මහත්මිය ඇප මත මුදාහරින ලෙස කොළඹ මහාධිකරණය අද (22) නියෝග කර තිබේ.
ඒ, එම දඬුවමට එරෙහිව ඇය අභියාචනයක් ඉදිරිපත් කර ඇති හෙයින් ඇයව ඇප මත මුදාහරින ලෙස ඇයගේ නීතීඥවරුන් කළ ඉල්ලීමකට අනුව ය.
කොළඹ මහාධිකරණ විනිසුරු අමල් රණරාජා මහතා විසින් මෙම තීන්දුව ප්‍රකාශයට පත්කරන ලදී.
2015 වසරේදී දෙමටගොඩ ප්‍රදේශයේ වෙළඳසැලක සේවය කළ තරුණයෙකු ඩිෆෙන්ඩර් රථයකින් පැහැරගෙන ගොස් අයුතු ලෙස සිරකර තබාගෙන වධ හිංසා කිරීමේ සිද්ධියට අදාළව කොළඹ මහාධිකරණය විසින් හිරුණිකා ප්‍රේමචන්ද්‍ර මහත්මියට සිර දඬුවම් නියම කරන ලද්දේ පසුගිය ජුනි 28 වනදා ය.
