අද දිනයේදී කිරිඉබ්බන්ආර ප්‍රදේශයේ පැවති රැස්වීමකදී ඊට සම්බන්ධ වූ දේශපාලනඥයන්ට ජනතාවගේ විරෝධය එල්ල වී තිබෙනවා. මේ නිසා ආණ්ඩුව නියෝජනය කරන දේශපාලනඥයන්ට ආපසු හැරී යාමට සිදුවිය.
ඉඩම් ඔප්පු බෙදාදීම සඳහා මෙම රැස්වීම සංවිධානය කර තිබුණේ රාජ්‍ය අමාත්‍ය ශෂීන්ද්‍ර රාජපක්ෂ මහතාගේ ප්‍රධානත්වයෙනි. කෙසේ නමුත් රාජ්‍ය අමාත්‍යවරයා උත්සවය සඳහා සහභාගි වී නොමැත. ඊට හේතුවෙ රැස්වීම පැවැත්වෙන ස්ථානයේ කලුකොඩි ඔසවා විරෝධය පළකිරීමට ජනතාව කටයුතු කර තිබීම හේතුවෙනි.
ශෂීන්ද්‍ර රාජපක්ෂ මහතා සහභාගි නොවුවද ආණ්ඩු පාර්ශ්වය නියෝජනය කරමින් බදුල්ල දිස්ත්‍රික් පාර්ලිමේන්තු මන්ත්‍රී චාමර සම්පත් දසනායක මහතා සහභාගි වී තිබෙනවා. කෙසේ නමුත් ඔහුටද ජනතාවගෙන් දැඩි විරෝධය එල්ල වී තිබේ.
මේ නිසා මන්ත්‍රීවරයා අදාල ස්ථානයෙන් වහාම ඉවත් කිරීමට ආරක්ෂකයන් කටයුතු කර තිබේ. මන්ත්‍රීවරයා පැමිණි වාහනයද එම ස්ථානයේ තිබියදී වෙනත් වාහනයකින් චාමර සම්පත් මහතා රැස්වීම් භූමියෙන් ආපසු හරවා යාමට ආරක්ෂකයන් පියවර ගෙන ඇති බවයි වාර්තා වන්නේ.ෙ
UN