කොළඹ LNW:ජීවිතයේ අභියෝගවලට හොඳට මුහුණ දෙන්න පුරුදු කෙනෙක් ලෙස තනතුරු තානාන්තර ඔටුන්නක් ලෙස තබාගත් කෙනෙක් නොවන බව සිය අමාත්‍ය ධූරයට සමුදෙමින් හරීන් ප්‍රනාන්දු මහතා පැවසුවේය.
එම නිසා මේ තනතුරු අතහැරීම ගැන ප්‍රශ්නයක් නොමැති බවයි හිටපු අමාත්‍යවරයා සඳහන් කළේ.
රට වැටුණු අවස්ථාවේ පෞද්ගලිකව තමන් සිය අරමුණු කරා නොගොස් ඇමතිකම භාරගෙන වැඩකර පෙන්වා තිබෙන බව හරීන් ප්‍රනාන්දු මහතා ප්‍රකාශ කළේය.
මේ අවස්ථාව වැඩ පෙන්වා අත හැරීමට ලැබෙන අවස්ථාවක් වන හෙයින් මෙවැනි අවස්ථා නොලැබෙන බවද ඔහු කියා සිටියේය.
සමඟි ජන බලවේගයේ ඉදිරිපෙළ සිටි කෙනෙක් ලෙස අනාගතේ නායකයෙක් බවට පත්විය හැකි ඉඩක් තියෙද්දිත් ආණ්ඩුවට එකතු වන්නේ ඇයිද යන ප්‍රශ්නය එදා සමඟියේ නායකයින් තමන්ගෙන් විමසා සිටි අතර අනාගතයේ නායකයෙක් වීමටත් රටක් තිබිය යුතු බවත් තමන් කෙසේ වෙතත් මේ රටේ නායකත්වය ගත හැකි මිනිසුන්ට රටක් ඉතුරු විය යුතුය යන අභිලාශයෙන් තමන් ක්‍රියා කළ බවයි හිටපු අමාත්‍යවරයා තවදුරටත් පැවසුවේ.
තමන්ට මන්ත්‍රීකම දුන්නේ සජිත් ප්‍රේමදාස මහතා වන අතර එතුමා නැවත තමන්ගේ මන්ත්‍රීකම ගනිද්දී තමන් පිටව යන්නේ රටට යමක් දී බවත් හෙතෙම කියාසිටියේය.
තමන් ඒ ගැන ආඩම්බරයෙන් පවසන බවයි හරීන් ප්‍රනාන්දු මහතා සඳහන් කළේ.
ආශිකා බ්‍රාහ්මණ
