සටහන – රුවන් නෙළුගොල්ල
2024 ජනාධිපතිවරණය සඳහා ඉදිරිපත් කර ඇති නාමයෝජනා 39 අතරින් නාමයෝජනා 3ක් සඳහා විරෝධතා ලැබී තිබුණු බව මැතිවරණ කොමිෂන් සභාවේ සභාපති ආර්. එම්. ඒ. එල්. රත්නායක මහතා පවසයි.
එහිදී බත්තරමුල්ලේ සීලරතන හිමි විසින් අපේක්ෂකයකුගේ නමක් සඳහන් කිරීමෙන් තොරවත් ඕෂල හේරත් මහතා විසින් ජනක රත්නායක මහතාට එරෙහිවත් නිසංසලා කුමාරි මහත්මිය විසින් ජනක රත්නායක මහතාට එරෙහිවත් ගොනුකර තිබුණු විරෝධතා සලකා බැලීමෙන් අනතුරුව ඒවා ප්‍රතික්ෂේප කිරීමටත් තීරණය කළ බවයි සභාපතිවරයා වැඩිදුරටත් ප්‍රකාශ කළේ.
