කොළඹ LNW:ජනාධිපතිවරණ මැතිවරණ ව්‍යාපාරය ඉතා සාර්ථකව පවත්වාගෙන යන අතර මේ වන විට සමඟි ජන සන්ධානයට ජයග්‍රහණය ගැන අභියෝගයක් නොමැති බව සමාහි ජන බලවේගයේ ජාතික සංවිධායක පාර්ලිමේන්තු මන්ත්‍රී තිස්ස අත්තනායක මහතා පවසයි.
මේ වන විට මුළු රටම සජිත් ප්‍රේමදාස මහතාගේ ජයග්‍රහණය වෙනුවෙන් පෙළගැහෙමින් සිටින බවයි අත්තනායක මහතා සඳහන් කරන්නේ.
මැතිවරණ ප්‍රචාරක වැඩපිළිවෙලද ආරම්භ කර තිබෙන බවත් සිවිල් සංවිධාන ගණනාවක් සමඟද ගිවිසුම් ගතවූ බවත් මන්ත්‍රීවරයා පවසයි.
තරඟයක් තිබිය හැකි වුවත් එය අභියෝගයක් ලෙස භාර නොගන්නා බව ඔහු කියාසිටියි.
මේ අතර අධිකරණ තීන්දුවක් හරහා අහිමි වුණු ඇමති ධූර වෙනුවට ඇමති ධුරයෙ නමින් උපදේශක තනතුරක් දීම කිසිසේත්ම අනුමත නොකරන අතර එය සාවද්‍ය ලෙස බලය පරිහරණය කිරීමක් බවයි අත්තනායක මහතා පවසන්නේ.
ආශිකා බ්‍රාහ්මණ
