සටහන – රුවන් නෙළුගොල්ල
ශ්රී ලංකා නිදහස් පක්ෂයට මේ වනවිට අත්ව ඇති ඉරණම සම්බන්ධයෙන් එහි හිටපු සභාපති මෛත්රීපාල සිරිසේන මහතා සම්පූර්ණයෙන්ම වගකිව යුතු බව ශ්රීලනිප මහලේකම් දයාසිරි ජයසේකර මහතා පවසයි.
ප්රශ්නය – මෛත්රීපාල සිරිසේන මහත්තයා පේන්නවත් නෑනෙ. එතුමා කොහෙ හරි ගිහිල්ලාද ?
“මම දන්නෑ. එතුමා කියලා තිබුණානෙ දේශපාලන වශයෙන් එතුමා නිහඬයි කියලා, කාටවත් උදව් කරන්නෙ නෑ කියලා. ඒක වෙන්න ඇති මං හිතන්නෙ”
ප්රශ්නය – ඔබතුමාවත් දැක්කෙ නැද්ද කොහෙවත් ඉන්නවා ?
“නෑ, මටත් හම්බුණෙ නෑ”
ප්රශ්නය – මෙහෙම්ම නැතිවෙලා යයිද එතුමා, නැත්නම් කොයි වෙලාවක හරි නැවතත් එළියට එයිද ?
“දන්නෑ. ඉතින් එතුමාගෙන් තමයි අහන්න ඕනෙ. එතුමා ගත්තු වැරදි තීන්දු ගැන දැන්වත් එතුමා නිස්කලංකව ඉඳගෙන මෙනෙහි කළොත් හොඳයි. මේ පක්ෂයට අද අත්වෙලා තියෙන ඉරණමට එතුමා සම්පූර්ණයෙන්ම වගකියන්න ඕනෙ. ඒ වගේම නිමල් සිරිපාල මැතිතුමා ඇතුළු පිරිසත් වගකියන්න ඕනෙ”
දයාසිරි ජයසේකර මහතා මේ බව පැවසුවේ ඊයේ (23) පැවති මාධ්ය හමුවක් අමතමිනි.
