කොළඹ LNW:රටේ සමස්ථ දේහයම පරිවර්තනයකට ලක්කළ යුතු වන අතර ඒ වෙනුවෙන් දේශපාලන නායකත්වය දීමට සූදානම් හෙයින් ඔබ ඔබේ කොටස ඉටු කරනු ඇතැයි යන විශ්වාසයෙන් ඊට ප්‍රවේශ වී සිටින ජාතික ජන බලවේගයේ නායක ජනාධිපති ධූර අපේක්ෂක අනුර දිසානායක මහතා පැවසුවේය.
අනුර දිසානායක මහතා මේ බව පැවසුවේ අද (30) කොළඹ විහාර මහා දේවි උද්‍යාන පරිශ්‍රයේ පැවති දසංවර්ධන නිලධාරී හා ආශ්‍රිත සේවා නිලධාරීන්ගේ ජාතික සමුලුව අමතමිනි.
ආර්ථික දේහය සැමට සමාන කළ යුතු අතර නීති පද්ධතිය, දේහය, අධ්‍යාපනය යනාදිය සදහා නව පරිවර්තනයක් අවශ්‍ය බවයි දිසානායක මහතා එහිදී කියාසිටියේ.
”සමස්ත දේහයම පරිවර්තන කිරීමයි අපේ වගකීම.මෙය වෙනස් කිරීමේ කාර්යභාරය තමයි අපිට තියෙන්නේ. මේ සදහා අවශ්‍ය දේශපාලන නායකත්වය අපි ලබාදෙනවා. ඔබේ කොටස ඔබ නිවැරදිව ඉටුකරාවි කියන විශ්වාසය මතයි අපි මේකට ආවේ. රාජ්‍ය සේවය නැතිව ගමනක් යන්න බෑ. පුරුද්දට යන රාජ්‍ය සේවකයෙක් වෙනුවට නිරන්තරයෙන් අලුත් වෙන්න ඕන. රාජ්‍ය සේවය පිළිබද ජනතාවට තියෙන්නේ අසතුටක්. ජනතාව රාජ්‍ය සේවය පිළිබද තෘප්තිමත් නෑ.ඒ වගේම රාජ්‍ය සේවකයත් තෘප්තිමත් නෑ. මුලින්ම රාජ්‍ය සේවකයා තෘප්තිමත් වෙන තැනක් බවට පත්කරනවා. රු.25000කින් වැටුප වැඩිකරන්න බිලියන 460ක් යනවා. එයාලා හිතනවා 25000ක් දෙනවා කිව්වාම කතිරේ ගහවි කියලා. මේ පාර ඒක එහෙම වෙන්නේ නැහැ.” යනුවෙන් දිසානායක මහතා තවදුරටත් සඳහන් කරන ලදී.
ආශිකා බ්‍රාහ්මණ
