නොරොච්චෝලේ තාප විදුලි බලාගාරය සඳහා භාවිතයට ගන්නා ගල් අඟුරු හිඟයක් ඇතිවීමේ අවදානමක් මතුව ඇති බව වාර්තා වේ.
මේ වනවිට එම බලාගාරය සතුව පවතින්නේ මාසයකට ප්‍රමාණවත් ගල් අඟුරු තොග පමණක් බව ආරංචිමාර්ග පැවසීය.
එසේවෙතත් නැවතත් ගල් අඟුරු තොග රැගත් නෞකාවක් මෙරටට පැමිණීමට නියම වී ඇත්තේ ඔක්තෝබර් මාසයේ අගදී බව සඳහන්.
මෙරට දෛනික විදුලි අවශ්‍යතාවයෙන් තුනෙන් එකක්ම පමණ සපයන්නේ නොරොච්චෝලේ තාප බලාගාරයෙනි.
මේ සම්බන්ධයෙන් මාධ්‍ය කළ විමසීමකදී ලංකා ගල් අඟුරු සමාගමේ සභාපතිවරයා පවසා තිබුණේ පළමු ගල් අඟුරු තොගය බලාපොරොත්තු වූවාට වඩා කල් පැමිණීමට නියමිත බවත් ඒ අනුව විදුලි අර්බුදයක් ඇතිවීමේ ඉඩක් නොමැති බවත් ය.
