රෂිකා හෙන්නායක සැප්තැම්බර් 03 , කොළඹ (LNW):
ඉදිරියටත් මේ රට සංවර්ධනය කර ජනතාවට සහන දීමට හැකි එකම නායකයා වත්මන් ජනාධිපති රනිල් වික්‍රමසිංහ මහතා බව ලංකා කම්කරු එක්සත් පෙරමුණේ මහ ලේකම් හිටපු පාර්ලීමේන්තු මන්ත්‍රී එස්. සදාසිවම් මහතා පවසයි. ඒ මහතා මේ බව ප්‍රකාශ කළේ හැටන් නගරයේ පැවති පාක්ෂික හමුවකට එක් වෙමිනි.
මාධ්‍ය වෙත අදහස් දැක්‌වූ එස්. සදාසිවම් මහතා ප්‍රකාශ කර සිටියේ,
” මේ රට මෙයට අවුරුදු දෙකකට පමණ පෙරදී දැඩි අර්බුදයකට ලක් වුණා එදා මේ රට බාර ගන්න සමහර නායකයන් මග හරිද්දී මේ රට භාර ගත්ත රනිල් වික්‍රමසිංහ මහතා මේ රට යම් තත්ත්වයකට රැගෙන ආවා.
අද රනිල් වික්‍රමසිංහ මහතා ඡන්දය ඉල්ලන්නේ මේ රට වැටී තිබූ තත්ත්වයෙන් යම් තරමින් ගොඩ අරගෙනයි එම නිසා අපි සියළුම දෙනා එකට එක්ව නැවත මේ රටේ පාලනය රනිල් වික්‍රමසිංහ මහතාට භාර දීමට පියවර ගත යුතුයි.
රනිල් වික්‍රමසිංහ කියන්නේ වසර ගණනාවක අත්දැකිම් ඇති ජාත්‍යන්තරයේ සහායෝගය ලබා ගන්න පුළුවන් උදාර නායකයෙක් එම තත්ත්වයන් මත රනිල් වික්‍රමසිංහ මහතාගේ ජයග්‍රහාණය උදෙසා ලංකා කම්කරු එක්සත් පෙරමුණේ සියළුම සමාජිකයන් එකට එක්ව කටයුතු කරනවා”
