කොළඹ LNW: දෙවෙනි මනාප තුන්වෙනි මනාප ගණන් කළද අනුර දිසානායක සහෝදරයා පරාජය කිරීමට කිසිවෙකුට හෝ නොහැකි බව ජාතික ජන බලවේගයේ පාර්ලිමේන්තු මන්ත්‍රී විජිත හේරත් මහතා පැවසුවේය.
සමස්ත ප්‍රතිඵල නිකුත් නොකර දෙවෙනි මනාප ගැනීමේ ක්‍රියාවලියට යොමු වීම නිසා සමාජය තුළ ඇති වූ නොසන්සුන්තාවට ප්‍රතිචාර දක්වමිනුයි මන්ත්‍රීවරයා මේ බව සඳහන් කළේ.
ලක්ෂ 13කට වැඩි ජන්ද ප්‍රමාණයකින් අනුර කුමාර දිසානායක සහෝදරයා ජයග්‍රහණය කර ඇතත් 50%ට වඩා අඩු වීම නිසා දෙවෙනි,තුන්වෙනි මනාප ගණන් කිරීමට සිදුවන නමුත් එය අවසාන වන තෙක් මැතිවරණ නීතිය අනුව අවසාන ප්‍රතිඵලය නිකුත් කළ නොහැකි බවයි ඔහු පැවසුවේ.
කිසිදු අක්‍රමිකතාවක් සිදු නොවන අතර නිවැරදි ක්‍රියාවලියක් හරහා එය සිදුවන බවත් ඔහු කියාසිටියේය.
එම නිසා කලබල නොවන ලෙසත් ප්‍රතිඵල නිසි වේලාවට නිකුත් වනු ඇති අතර දැනටමත් අනුර දිසානායක සහෝදරයා ජයග්‍රහණය කර ඇති බවයි විජිත හේරත් මහතා අවධාරණය කළේ.
ආශිකා බ්‍රාහ්මණ
