කොළඹ LNW:එක්සත් ජාතික පක්ෂය විසින් ගොඩනැගීමට නියමිත සන්ධානයට එක් නොවන බව ශ්‍රී ලංකා පොදුජන පෙරමුණේ නායක හිටපු ජනාධිපති මහින්ද රාජපක්ෂ මහතා පවසයි.
අද (24) ශ්‍රී ලංකා පොදුජන පෙරමුණේ දේශපාලන බල මණ්ඩල රැස්වීමක් කැඳවා තිබුණු අතර ඉන් අනතුරුවයි රාජපක්ෂ මහතා මේ බව සඳහන් කළේ.
ශ්‍රී ලංකා පොදුජන පෙරමුණ ලෙස ඉදිරි පාර්ලිමේන්තු මැතිවරණය සඳහා බිම් මට්ටමේ දේශපාලන කටයුතු සැලසුම් කරන බවයි රාජපක්ෂ මහතා පවසන්නේ.
නැවතත් ප්‍රබල පක්ෂයක් ලෙස නැගී සිටීමට අවශ්‍ය කටයුතු කරන ලෙසද ඔහු දේශපාලන බල මණ්ඩලය වෙත උපදෙස් දී තිබේ.
ආශිකා බ්‍රාහ්මණ
