කොළඹ LNW:දමිළ සහ මුස්ලිම් දේශපාලන පක්ෂ එකම සන්ධානයක් ලෙස එකතු කරගත යුතු බවට යෝජනාවක් පැමිණ තිබුණ අතර ඒ සම්බධන්යෙන් දමිළ ප්‍රගතිශීලි සන්ධානය ලෙස දේශපාලන මණ්ඩලයේදී සාකච්ජා කළද සහෝදර පක්ෂවලින් පිළිගත හැකි යෝජනා නොතිබුණ නිසා සුපුරුදු ලෙස සමඟි ජන සන්ධානය සමඟ රැඳී සිටින අතර ඉදිරි මහ මැතිවරණයට ද තරඟ වදින බව දමිළ ප්‍රගතිශීලි සන්ධානයේ නායක හිටපු පාර්ලිමේන්තු මන්ත්‍රී මනෝ ගනේෂන් මහතා පවසයි.
ඒ අනුව බස්නාහිර,සබරගමුව,මධ්‍යම යන පළාත් වල මෙන්ම ඌව පළාතේ බදුල්ල කේන්ද්‍ර කරගනිමින් මහ මැතිවරණයට ඉදිරිපත් වන බවයි හිටපු මන්ත්‍රීවරයා සඳහන් කරන්නේ.
මහ මැතිවරණයට පෙර සමඟි ජන සන්ධානය සමඟ අවබෝධතා ගිවිසුමකට එළඹීමට නියමිත බවද ඔහු කියාසිටියි.
මේ අතර සිය හඬට සවන් දී සජිත් ප්‍රේමදාස මහතා වෙනුවෙන් ජන්ද භාවිතා කිරීම ගැන සිය ප්‍රජාවට ස්තූතිය පළකරන අතර තවදුරටත් ගමන අවසන් නැති බවයි ඔහු පවසන්නේ.
තවද කඳුකරයේ පසුගාමීන්ගේ ගොඩට සිය ප්‍රගතිශීලි කණ්ඩායම ඇතුල් කර නොගන්නා ලෙසද මනෝ ගනේෂන් මහතා ඉල්ලීමක් කරයි.
ආශිකා බ්‍රාහ්මණ
