සටහන – රුවන් නෙළුගොල්ල
මෙවර මහමැතිවරණය සඳහා ශ්රී ලංකා පොදුජන පෙරමුණ ප්රමුඛ සන්ධානයක් වශයෙන් ඉදිරිපත් වීම සම්බන්ධයෙන් විවිධ දේශපාලන පක්ෂ සමග සාකච්ඡා කරමින් සිටින බව ජ්යේෂ්ඨ කථිකාචාර්ය මහින්ද පතිරණ මහතා පවසයි.
“මේ දවස්වල සාකච්ඡා කෙරෙමින් පවතිනවා විවිධ පක්ෂත් එක්කලා ඔවුන්ගෙ ප්රතිපත්ති එක්ක අපි ගැලපෙනවද නැද්ද කියන එක සම්බන්ධයෙන්. ඒ අනුව, ඒ ඒ පක්ෂ නියෝජිතයින් එක්ක සාකච්ඡා සාර්ථක වුණාට පස්සෙ අනිවාර්යයෙන්ම සන්ධානයක් විදියට, සමූහයක් විදියට – ඇත්තටම පොදුජන පෙරමුණ කියන්නෙ දැනටමත් සන්ධානයක්. ඒ කියන්නෙ 2019 පොදුජන පෙරමුණෙන් ඡන්දය ඉල්ලුවාට විවිධ පක්ෂ අපි ගාව හිටියා. උදාහරණයක් හැටියට ජාතික නිදහස් පෙරමුණ, පිවිතුරු හෙළ උරුමය, මේ හැමෝම පොහොට්ටුවෙන් ඉල්ලුවාට ඔවුන් පක්ෂයත් එක්ක වෙනම ගිවිසුම් මාර්ගයෙන් සන්ධානගත වෙලා හිටියෙ – ඒ ආකාරයෙන්ම මෙවරත් ඒ සාකච්ඡා පැවැත්වෙනවා”
මහින්ද පතිරණ මහතා මේ බව පැවසුවේ සිරස රූපවාහිනී නාලිකාවේ පැවති වැඩසටහනකට එක්වෙමිනි.
