සටහන – රුවන් නෙළුගොල්ල
ජාතික ජන බලවේගයේ ගම්පහ දිස්ත්‍රික් නාමයෝජනා ලැයිස්තු සකස් කිරීමේදී හිටපු පාර්ලිමේන්තු මන්ත්‍රී, ජනප්‍රිය නළු රංජන් රාමනායක මහතාගේ නම යෝජනා නොවූ බව එම පක්ෂයේ ජාතික විධායක සභික මහින්ද ජයසිංහ මහතා පවසයි.
“ඇත්තටම එහෙම යෝජනාවක් අපට ඇවිල්ලා නෑ. මාධ්‍ය ඇතුළේ විවිධ යෝජනා කළාට, මාධ්‍ය ඇතුළේ විවිධ ප්‍රචාර කළාට, ඒවා නාමයෝජනා ලැයිස්තුවලට ඇතුළත් වෙන්නෙ නැහැ. ඇත්තටම අපේ දිස්ත්‍රික්කයේ නාමයෝජනා ලැයිස්තු සකස් කරද්දී එවැනි නමක් හෝ වෙනත් ඔය කියන නම් කිසිවක් සඳහන් වුණේ නෑ. අපේ විශාල කණ්ඩායමකින් තමයි මේ 22 දෙනා තෝරාගෙන තියෙන්නෙ. ඇත්තටම ගත්තොත් හැට හැත්තෑවක කණ්ඩායමක් හිටියා. ඒ අතරට රංජන්ගේ නම හෝ වෙනත් කිසිම නමක් යෝජනා වුණේ නෑ”
මහින්ද ජයසිංහ මහතා මේ බව පැවසුවේ ජාතික ජන බලවේගයේ ගම්පහ දිස්ත්‍රික් නාමයෝජනා ලැයිස්තු අත්සන් තැබීමෙන් අනතුරුව ඊයේ (07) මාධ්‍ය වෙත අදහස් දක්වමිනි.
RN
