සටහන – නිශ්මං රණසිංහ
ඔක්තෝබර් 11, (LNW) කොළඹ :
එක්සත් ජනරජ පෙරමුණ නියෝජනය කරමින් සමඟ ජන සංධානයෙන් තරග කිරීමට ඉදිරිපත් කළ අපේක්ෂකයන් දෙදෙනෙක් සඳහා සමඟි ජන සංධානයෙන් අපේක්ෂකත්වය ලබා නොදීම පදනම් කර ගනිමින් ඇති වූ ගැටළුකාරී තත්ත්වයන් නිසා මෙවර මැතිවරණයෙන් ඉවත් වීමට එක්සත් ජනරජ පෙරමුණ තීරණය කර තිබෙනවා.
කොළඹ දිස්ත්රික්කය
බන්දුල චන්ද්රසේකර (මහ ලේකම්) සහ මාතලේ දිස්ත්රික්කයේ
තීක්ෂණ ගම්මන්පිල (උප සභාපති ) යන එක්සත් ජනරජ පෙරමුණ අපේක්ෂකයන්ට නාම යෝජනා ලබා නොදීම මෙම ගැටළුවට හේතු වී තිබෙනවා.
එක්සත් ජනරජ පෙරමුණ නායක පාඨලී චම්පික රණවක මේ වන විටත් සිය පක්ෂයේ තීරණය සමඟි ජන සංධානයට දන්වා තිබෙනවා.මේ අනුව එම පක්ෂ ආරංචි මාර්ග සඳහන් කරන්නේ මේ මැතිවරණයේදී තම පක්ෂය කිසිවෙකුට සහය නොදී නිහඬව සිටින බවයි.
