සටහන – රුවන් නෙළුගොල්ල
අද (ඔක්තෝබර් 30) පස්වරු 04:30 සිට දුම්රිය ප්රවේශපත්ර නිකුත් කිරීමේ රාජකාරීවලින් ඉවත් වන බව දුම්රිය ස්ථානාධිපතිවරුන්ගේ සංගමය දැනුම් දී තිබේ.
අද පස්වරුවේ රැස්වූ දුම්රිය ස්ථානාධිපතිවරුන්ගේ සංගමයේ විධායක සභාව වෘත්තීය ක්රියාමාර්ගයකට අවතීර්ණ වීමට තීරණය කළ බවයි එම සංගමයේ ප්රධාන ලේකම් සංජය ජයසුන්දර සඳහන් කළේ.
දුම්රිය ස්ථානාධිපතිවරුන්ගේ උසස්වීම් සම්බන්ධ ගැටලු ඇතුළු ඉල්ලීම් කිහිපයක් පිළිබඳව ප්රවාහන අමාත්යවරයාගේ පුද්ගලික ලේකම්වරයා සහ දුම්රිය දෙපාර්තමේන්තුවේ විධායක නිලධාරීන් සමග පැවැති සාකච්ඡාව අසාර්ථකවීම හේතුවෙන් ඔවුන් මෙම තීරණය ගෙන ඇති බව සඳහන්.
