ජනාධිපති ගෝඨාභය රාජපක්ෂ හා වත්මන් රජයට විරෝධය පළකරමින් ගාලුමුවදොර පිටියේ හා දිවයින පුරා පැවැත්වෙන අඛණ්ඩ විරෝධතාවයන්ට සහාය පළකිරීමට විශ්ව විද්‍යාල ආචාර්යවරුන් ද ඉදිරිපත් වී තිබේ.
ඒ අනුව, එළඹෙන අඟහරුවාදා (19) දින එක්-දින සංකේත වැඩවර්ජනයක නිරත වීමට විශ්ව විද්‍යාල ආචාර්යවරුන් තීරණය කළ බව විශ්වවිද්‍යාල ආචාර්යවරුන්ගේ සමිති සම්මේලනය දැනුම් දෙයි.
මෙම එක්-දින සංකේත වැඩවර්ජනය දිවයින පුරා රජයේ විශ්ව විද්‍යාල වල ක්‍රියාත්මක වන බවයි එම සංගමය පවසන්නේ.
මීට අමතරව, එදිනම කොළඹ විශ්ව විද්‍යාලයේ සිට ගාලුමුවදොර දක්වා විරෝධතා පාගමනක් ක්‍රියාත්මක කිරීමට ද එම සංගමය සැලසුම් කරමින් සිටී.
එම පාගමන අඟහරුවාද (19) දින ප.ව. 01 ට ආරම්භ වීමට නියමිතය.
මේ අතර, රජයේ විශ්ව විද්‍යාල වල අධ්‍යයන කටයුතු කඩිනමින් හා පූර්ණ ධාරිතාවයකින් යුතුව නැවත ආරම්භ කරන ලෙස ද එම සංගමය ඉල්ලා සිටී.
MIAP
