ජාතික ජන බලවේගයේ ජාතික විධායක සභික, කොළඹ දිස්ත්‍රික් පාර්ලිමේන්තු මන්ත්‍රී චතුරංග අබේසිංහ මහතාට ද ප්‍රබල නියෝජ්‍ය අමාත්‍ය තනතුරක් හිමිවීමට නියමිත බව දේශපාලන ආරංචිමාර්ග පවසයි.
ඔහු තොරතුරු තාක්ෂණ ක්ෂේත්‍රයේ වෘත්තිකයකු නිසා බොහෝදුරට ජනාධිපති අනුර කුමාර දිසානායක මහතා යටතේ පවතින ඩිජිටල් ආර්ථික කටයුතු අමාත්‍යාංශයේ නියෝජ්‍ය අමාත්‍ය ධුරය ඔහුට ලබාදෙනු ඇති බවයි ආරංචිමාර්ග සඳහන් කළේ.
චතුරංග අබේසිංහගේ පියා වන ජාජබ මහලේකම්, විශේෂඥ වෛද්‍ය නිහාල් අබේසිංහ මහතාට කැබිනට් අමාත්‍ය ධුරයක් නොලැබුණේ ද චතුරංගට නියෝජ්‍ය අමාත්‍ය ධුරයක් ලබාදීමට නියමිතව ඇති නිසා බවත් ආරංචිමාර්ග පැවසීය.
එමෙන්ම ගාල්ල දිස්ත්‍රික්කයේ වැඩිම මනාප හිමිකර ගත් නලින් හේවගේ මහතාට ද ප්‍රබල නියෝජ්‍ය අමාත්‍ය ධුරයක් ලැබෙනු ඇති බවත් සඳහන්.
