සටහන: සශිකලා මධුෂාණි
නොවැම්බර් 20; ලෝකය(අවුට්බවුන්ඩ් ටුඩේ) : ජනගහනය මිලියන 33 සහිත දිල්ලියේ වායු දූෂණ මට්ටම ඉහල යාම හේතුවෙන් මහජන සෞඛ්ය හදිසි අවස්ථාවක් ප්රක්ෂයට පත් කර තිබේ.
මාරාන්තික මීදුමෙන් අගනුවර ස්මාරක සහ උස් ගොඩනැගිලි ආවරණයව ඇති අතර නගරයේ ප්රදේශ කිහිපයක පරිසර දූෂණ මට්ටම ලෝක සෞඛ්ය සංවිධානයේ නිර්දේශිත ආරක්ෂිත සීමාවට වඩා 50 ගුණයකටත් වඩා වැඩි වී ඇති අතර පරිසරවේදීන් පවසන්නේ දුර්වල වාතයේ ගුණාත්මකභාවය සතිය පුරා පවතිනු ඇති බවයි.
මේ තත්වය හේතුවෙන් බලධාරීන් විසින් පාසල් වසා දමා, ඉදිකිරීම් නවතා දමා අත්යවශ්ය නොවන ට්රක් රථ නගරයට ඇතුළු වීම තහනම් කර ඇති අතර කර්මාන්ත වලින් නිකුත් වන විමෝචන සහ විදුලිය නිපදවීම සඳහා ගල් අඟුරු දහනය කිරීම ද දූෂණයට සම්බන්ධ වන අතර එය මෑත සතිවල ක්රමයෙන් ඉහළ යමින් පවතී.
ළමුන්, වැඩිහිටියන් සහ නිදන්ගත රෝග හෝ ශ්වසන ආබාධ සහිත වෙනත් අය හැකිතාක් පිටතට යාමෙන් වළකින ලෙස සෞඛ්ය අංශ අනතුරු අඟවා ඇති අතර අධ්යයන කිහිපයක් ඇස්තමේන්තු කර ඇත්තේ දූෂණය ආශ්රිත රෝගවලින් සෑම වසරකම ඉන්දියානුවන් මිලියනයකට වඩා මිය යන බවයි.
ඉන්දීය ශ්රේෂ්ඨාධිකරණය පරිසර දූෂණය වැළැක්වීම සඳහා කඩිනම් පියවර ගන්නා ලෙස රජයට නියෝග කර ඇති නමුත් එය ප්රතිඵල විරහිත වී ඇත.
