සටහන – රුවන් නෙළුගොල්ල
නව ප්රජාතන්ත්රවාදී පෙරමුණේ ජාතික ලැයිස්තු මන්ත්රීවරයකු වශයෙන් රවී කරුණානායක මහතාව පත් කළේ එම පක්ෂයේ කෘත්යාධිකාරී / විධායක කමිටුව නොවැම්බර් 17 වනදා රැස්වී ඒකමතිකව ගත් තීන්දුවකට අනුව බව එම පක්ෂයේ ලේකම් ශ්යාමිලා පෙරේරා මහත්මිය පවසයි.
2024 මහමැතිවරණයට තරග කිරීම සඳහා පොදුජන එක්සත් නිදහස් පෙරමුණ (කුසලානය), ශ්රී ලංකා නිදහස් පක්ෂය, පොදුජන එක්සත් පෙරමුණ (පුටුව), නව සන්ධානය සහ එක්සත් ජාතික පක්ෂය යන පක්ෂ නව ප්රජාතන්ත්රවාදී පෙරමුණ සමග සන්ධානගත වූ අතර ඒ සඳහා අවබෝධතා ගිවිසුමක් අත්සන් කළ බවත් එම ගිවිසුමේ 05 වන උපලේඛනය අනුව මැතිවරණ ප්රතිඵල පරිදි ලැබෙන ජාතික ලැයිස්තු මන්ත්රී ධුරවලින් අවම වශයෙන් එක් ධුරයක් නව ප්රජාතන්ත්රවාදී පෙරමුණ විසින් නම් කරන අපේක්ෂකයකුට ලබාදීමට එකඟ වී ඇති බවත් ශ්යාමිලා පෙරේරා මහත්මිය සඳහන් කරයි.
රවී කරුණානායක මහතාව මන්ත්රී ධුරයක් සඳහා පත් කෙරුණේ අවබෝධතා ගිවිසුම විසින් ලබාදී ඇති එකී අයිතිය අනුව වන අතර ගිවිසුමට පරිබාහිරව හෝ ඊට හානිවන කිසිවක් තමන් විසින් සිදුකර නොමැති බවයි ලේකම්වරිය අවධාරණය කරන්නේ.
