ජනාධිපති මන්දිර හා රජයේ බංගලා ගැන ආණ්ඩුවේ තීරණය මෙන්න!

කොළඹ LNW: රාජ්‍ය පරිපාලන, පළාත් සභා සහ පළාත් පාලන අමාත්‍යංශය යටතේ පාලනය වන බංගලා නිවාස,විසුම්පාය සහ විවිධ ප්‍රදේශයන්හි පවතින ජනාධිපති මන්දිර ආර්ථිකමය වශයෙන් ඵලදායීව උපයෝජනය කිරීම සඳහා රජය තීරණය කර ඇති බව අද (10) කැබිනට් තීරණ දැනුම් දීමේ මාධ්‍ය හමුවේදී කැබිනට් ප්‍රකාශක අමාත්‍ය නලින්ද ජයතිස්ස මහතා පැවසුවේය.

ඒ අනුව ජනාධිපතිවරයා සහ රාජ්‍ය පරිපාලන, පළාත් සභා සහ පළාත් පාලන අමාත්‍යවරයා ඒකාබද්ධව කැබිනට් යෝජනාවක් ඉදිරිපත්කර තිබෙන අතර ඊට අනුමැතිය හිමිව තිබේ.

එම පරිශ්‍රයන් හා නිවාස ආර්ථිකමය වශයෙන් ඵලදායීව උපයෝජනය කිරීමට හැකි වන පරිදි යෝග්‍ය ක්‍රමවේදයක් යෝජනාකිරීම සඳහා නිලධාරී කමිටුවක් පත් කිරීම පිණිස සඳහා කැබිනට් අනුමැතිය ලැබී ඇත.

රාජ්‍ය පරිපාලන, පළාත් සභා සහ පළාත් පාලන අමාත්‍යාංශයේ පරිපාලන බලධාරීත්වය යටතේ රජයේ බංගලා නිවාස 50 ක් කොළඹ 07 සහ 05 යන ප්‍රදේශවල පිහිටා ඇති අතර හිටපු ජනාධිපතිවරුන්, අමාත්‍යවරුන්, නියෝජ්‍ය අමාත්‍යවරුන් සහ විවිධ රාජ්‍ය ආයතන සඳහා මෙම බංගලා නිවාස වෙන් කිරීම සිදු කර තිබුණි.

මේ අතර ජනාධිපති කාර්යාලයේ පරිපාලන බලධාරිත්වය යටතේ කොළඹ, මහනුවර, නුවරඑළිය, මහියංගනය, අනුරාධපුරය, කතරගම, යාපනය, ඇඹිලිපිටිය සහ බෙන්තොට යන ප්‍රදේශවල ජනාධිපති මන්දිර පිහිටා ඇති අතර කොළඹ සහ මහනුවර ජනාධිපති මන්දිර හැර අනෙකුත් ජනාධිපති මන්දිර නිරන්තර භාවිතයට ගෙන නොමැති බවද සඳහන්.

රාජ්‍ය නායකයින් ගණනාවකගේ නිල නිවස ලෙස භාවිතයට ගත් කොළඹ 02හි පිහිටා ඇති විසුම්පාය මේ වනවිට නාගරික සංවර්ධන අධිකාරියේ පරිපාලන බලධාරිත්වය යටතේ පවතී.

තවද අග්‍රාමාත්‍ය කාර්යාලයේ පරිපාලන බලධාරිත්වය යටතේ නුවරඑළියේ අග්‍රාමාත්‍ය නිල නිවාසයක් පවතින අතර එම රජයේ දේපළ නඩත්තුවට විශාල මුදලක් වැය කර ඇති නමුත් එම දේපළ ඌන උපයෝජන තත්ත්වයක පවතින බවයි වත්මන් ආණ්ඩුවේ නිරීක්ෂණ වී ඇත්තේ.

ඒ අනුව මෙම දේපළ නිසි ලෙස ආර්ථික ප්‍රතිලාභයක් ලැබෙන ලෙස යෝජිත ක්‍රමවේදයකට අදාළ කරගැනීමට වත්මන් රජය තීරණය කර තිබේ.

ආශිකා බ්‍රාහ්මණ

Share post:

spot_imgspot_img

Popular

More like this
Related

නැවෙන් බාන ගාණට දුන්නොත් ඔයිටත් වඩා තෙල් මිල වැඩිවෙනවා – ඇමති TB

රජය ජනතාවට ඉන්ධන ලබාදෙන්නේ නැවෙන ගොඩබාන මිලටත් වඩා අඩුවෙන්...

ඇම්බර් හර්ඩ් සමඟ අධිකරණ සටන්වලින් පසු ජොනී ඩෙප්ගේ හොලිවුඩ් පුනරාගමනය; ‘Ebenezer’ චිත්‍රපටයෙන්!

සටහන – පුලීනොවැම්බර් 15, LNW (කොළඹ): හොලිවුඩයේ කලක් ඉහළම ජනප්‍රියත්වයක්...

කක්ෂගත ගමන නිමවා පෘථිවියට ආ Starship යානය ගුවනේදීම අල්ලාගනී – SpaceX වෙතින් ඓතිහාසික මෙහෙයුමක්!

සටහන – පුලීනොවැම්බර් 15, LNW (කොළඹ): අභ්‍යවකාශ ගවේෂණ ඉතිහාසයේ තවත්...

ඉන්දියාවේ විදුලි බලාගාරයක් ඉදිකිරීම සඳහා ලක්දනවි සමාගමට ඩොලර් මිලියන 75ක කොන්ත්‍රාත්තුවක්!

ඉන්දියාවේ විදුලි බලාගාරයක් ඉදිකිරීම සඳහා ලක්දනවි සමාගමට ඩොලර් මිලියන 75ක කොන්ත්‍රාත්තුවක්!