රෂිකා හෙන්නායක ජනවාරි 12, කොළඹ (LNW):
ගාලු දිස්ත්‍රික් පාර්ලිමේන්තු මන්ත්‍රී නිශාන්ත පෙරේරා මහතාගේ ප්‍රධානත්වයෙන්, clean sri lanka’ වැඩසටහන යටතේ දකුණු පළාතේ බෙන්තර සිට ගොවියා පාන දක්වා කිලෝමීටර් 65ක ප්‍රමාණයක වෙරළබඩ තීරය පිරිසිදු කිරීමේ වැඩසටහනක් ආරම්භ කර තිබෙන බව වාර්තා වේ.
බෙන්තොට ප්‍රාදේශීය කාර්යාලය, මහජන සෞඛ්‍ය නිලධාරි කාර්යාලය, බෙන්තොට හා කොස්ගොඩ පොලිස් ස්ථානවල පොලිස් නිලධාරීන්, යුද හමුදා නිලධාරීන් සහ ජාතික ජන බලවේගයේ සාමාජිකයන් ඇතුළු බොහෝ පිරිසක් මෙම වැඩසටහනට එක්ව සිටි බව වාර්තා වන අතර, ‘clean sri lanka’ යටතේ සිදුකෙරෙන මෙම වැඩසටහනට විදේශිකයින් පිරිසක්ද එක්ව සිටීම විශේෂත්වයක් වූ බව සඳහන්වේ.
