රෂිකා හෙන්නායක ජනවාරි 26, කොළඹ (LNW):
හෙට (27) දින පෙරවරුව වනවිට, කොළඹ වරායේ සිරවී ඇති බහාලුම් සැළකිය යුතු ප්‍රමාණයක් නිදහස් කිරීමට හැකිවෙනු ඇති බව රේගු දෙපාර්තමේන්තුව පවසයි.
රේගු මාධ්‍ය ප්‍රකාශක අතිරේක රේගු අධ්‍යක්ෂ ජනරාල් සීවලී අරුක්ගොඩ මහතා ප්‍රකාශ කළේ, මෙම සති අන්තයේ රේගු නිලධාරීන් අඛණ්ඩව සේවයේ නිරතව සිටීම හේතුවෙන් මෙලෙස එම කටයුතු කඩිනමින් සිදුකිරීමට හැකි වනු ඇති බවයි.
ඒ මහතා පෙන්වා දුන්නේ, කෙසේ වෙතත් බහාලුම් කඩිනමින් නිදහස් කිරීම සඳහා සෙසු පාර්ශවවලද සහය අවශ්‍ය බවයි.
