පාර්ලිමේන්තු මන්ත්රී, වෛද්ය රාමනාදන් අර්චුනා යාපනය ප්රදේශයේදී පොලීසිය විසින් අත් අඩංගුවට ගෙන තිබේ.
අද (ජනවාරි 29) පස්වරුවේදී විශේෂ පොලිස් කණ්ඩායමක් විසින් මන්ත්රීවරයාව අත් අඩංගුවට ගෙන ඇති බවයි පොලිස් මාධ්ය ප්රකාශක ජ්යෙෂ්ඨ පොලිස් අධිකාරී බුද්ධික මනතුංග සඳහන් කළේ.
ඔහුව අනුරාධපුර මහේස්ත්රාත් අධිකරණයට ඉදිරිපත් කිරීමට නියමිත බව සඳහන්.
මන්ත්රී රාමනාදන් අර්චුනා පසුගිය 20 වනදා රාත්රී කාලයේදී අනුරාධපුර තලාව ප්රදේශයේදී රථ වාහන රාජකාරියේ නිරතව සිටි පොලිස් නිලධාරීන් පිරිසකට සාපරාධී බලහත්කාරය පා රාජකාරියට බාධා කළ බවට අනුරාධපුර පොලීසිය විසින් පසුගිය සතියේදී අනුරාධපුර මහේස්ත්රාත් අධිකරණයට කරුණු වාර්තා කර තිබිණි.
