සටහන: සශිකලා මධුෂාණි
පෙබරවාරි 09: ලෝකය(අවුට්බවුන්ඩ් ටුඩේ) : පකිස්ථානයේ වඩාත්ම ජනාකීර්ණ පන්ජාබ් පළාත මහජන ආරක්ෂාව පිළිබඳ ගැටළු හේතුවෙන් සරුංගල් යැවීම සම්පුර්ණයෙන්ම තහනම් කර ඇති බව වාර්තා වේ.
මිට හේතුවී ඇත්තේ සෑම වසරකම බසන්ට් උත්සව සැමරීමේදී වීදුරු, ලෝහ-ආලේපිත හෝ නයිලෝන් නූල් නිසා සෑම වසරකම සිදු වන තුවාල සහ මරණ දුසිම් ගනනක් සිදුවීමැයි.
මේ හේතුවෙන් පන්ජාබ් සභාව පසුගිය මාසයේ සරුංගල් පියාසර කිරීම තහනම් කිරීමේ (සංශෝධන) පනත 2024 නිල වශයෙන් සම්මත කරන ලද අතර එමඟින් සරුංගල් පියාසර කරන්නන්, නිෂ්පාදකයින්, ප්‍රවාහනය කරන්නන් සහ විකුණුම්කරුවන් සඳහා වැඩි දියුණු කළ සිර දඬුවම් සහ දැඩි දඩ මුදල් හඳුන්වා දෙන ලදී.
පෙර පැවති නීතියට අනුව, සරුංගල් යවමින් අල්ලා ගන්නා පුද්ගලයින්ට වසර තුනක සිර දඬුවමක් හෝ රුපියල් 100,000 (ඩොලර් 360) දක්වා දඩයක් හෝ ඒ දෙකම පැනවිය හැකි අතර දැන්, ඔවුන්ට වසර පහක සිරදඬුවමක් හෝ රුපියල් මිලියන දෙකක (ඩොලර් 7,200) දඩයකට හෝ ඒ දෙකටම යටත් විය හැකිය.
