රෂිකා හෙන්නායක පෙබරවාරි 14, කොළඹ (LNW):
දෛනික විදුලි කප්පාදුවක් අද (14) සිට සිදු නොවන බව බලශක්ති අමාත්‍යංශය අද උදෑසන දැනුම් දී ඇත.
අක්‍රීයව තිබූ නොරොච්චෝලේ බලාගාරයේ තත්ත්වය ක්‍රියාකාරී මට්ටමට ළඟාවීමත් සමඟ එම තීරණය ගෙන ඇත.
පසුගිය දා බිඳවැටුණු නොරොච්චෝලේ ගල්අඟුරු බලාගාරයේ විදුලි ජනන යන්ත්‍ර තුනෙන් එකක් මේ වනවිට ජාතික විදුලිබල පද්ධතියට යළි එක්කිරීමට හැකිවී තිබේ.
ඉන් ජාතික පද්ධතියට ලැබෙන විදුලි ප්‍රමාණය මෙගාවොට් 300 ක් වේ. පසුගිය ඉරිදා ජාතික විදුලි පද්ධතියේ ඇතිවූ අසමතුලිතතාව මත නොරොච්චෝලේ ගල්අඟුරු බලාගාරයේ විදුලි ජනන යන්ත්‍ර තුනම අක්‍රිය වී තිබුණු අතර, .මේ වනවිට අඛණ්ඩ විදුලි සැපයුමට මතුවී තිබූ බාධා මගහරවා ගනිමින් කටයුතු කරමින් ඇති නිසා අද (14) සිට දෛනික විදුලි කප්පාදුව සිදුනොකිරීමට තීරණය කළ බව සඳහන් වේ.
