අරලියගහ මන්දිරය ඉදිරිපිට,ආණ්ඩුවට එරෙහි ජනතාව විසින් විරෝධය දැක්වීම පිණිස සකස් කර තිබෙන මයිනාගෝගම විරෝධතා භූමියේ රජයට ඉල්ලා අස්වන ලෙස බල කරමින් උපවාසයක යෙදෙන ධනුක දිසානායක පැය 70 ක කාලයක් ඉක්මවා තවමත් අඛණ්ඩව උපවාසයේ යෙදෙමින් ඇත.
ගිරිඋල්ලේ පදිංචිකරුවෙක් වෙන ධනුක,අරගලයට බාධාවන ලෙස පොලීසිය යෙද වූ බස් රථයක්ම සහයට ගනිමින්,සිය කූඩාරම තනාගෙන මෙම උපවාසය ක්‍රියාත්මක කරයි.
දියවැඩියා රෝග ලක්ෂණ ඇති ධනුක ඊයෙ හවස වෛද්‍යවරුන්ගේ පරික්ෂාවට ලක් විය.රෝගී තත්ත්වය සම්බන්ධයෙන් ද වෛද්‍යවරු ධනුකගේ අවධානය යොමු කළත් ඔහු අඛණ්ඩව සිය උපවාසය ඉදිරියට කරගෙන යාමට තීරණය කර ඇත.එසේම අරලියගහ මන්දිරය ප්‍රතිචාර ලෙස මෙම අරගලභූමියට බාධාවන ලෙස අඛණ්ඩව පිරිත් ප්‍රචාරය සිදු කරමින් සිටියි.දින ගණනාවක් තිස්සේ මහජන මුදලින් විදුලි බිල ගෙවා නඩත්තු කරන අරලියගහ මන්දිරය මේ ආකාරයට විදුලිය වැය කරමින් පිරිත් දේශනාව ප්‍රචාරය කරමින් සිටියි.
RM
