රෂිකා හෙන්නායක පෙබරවාරි 21, කොළඹ (LNW):
මිද්දෙණියේ ත්රිත්ව ඝාතනයට සැකපිට සැකකරුවන් දෙදෙනෙකු මේ වනවිටත් අත්අඩංගුවට ගෙන ඇති අතර, එම ඝාතකයන් පිළිබඳ තවත් කරුණු අනාවරණය කරගැනීමට පොලීසිය සමත්ව ඇති බව කරුණු හෙළිවේ.
මෙම සැකකරුවන්, මිද්දෙණිය පොලිස් වසමේ දෙබොක්කාව හා වීරකැටිය පොලිස් වසමේ අග්රහැර හන්දිය යන ප්රදේශවලදී අත්අඩංගුවට ගත් බව පොලීසිය පවසන අතර, එම සැකකරුවන් අවුරුදු 37 හා 39 වයස්වල පසුවන වලස්මුල්ල හා වීරකැටිය ප්රදේශවල පදිංචිකරුවන් බව මූලික විමර්ශනවලදී හෙළි වී ඇත.
තවද, ඔවුන් දෙදෙනාම යුධ හමුදා හිටපු සෙබළුන් බවත්, මොවුන් යුධ හමුදාවෙන් පලාගොස් පසුව නීත්යානුකූලව ඉන් ඉවත් වී ඇති බව අනාවරණය වී තිබේ. මෙම ඝාතන සම්බන්ධයෙන් මිද්දෙණිය පොලීසිය හා තංගල්ල කොට්ඨාස අපරාධ විමර්ශන කාර්යංශයට වැඩිදුර විමර්ශන සිදු කරන බව වර්තා වේ.
