සටහන – රුවන් නෙළුගොල්ල
ඇඹිලිපිටියේ සිට අනුරාධපුර පූජා නගරය වන්දනා කිරීම සඳහා වන්දනාකරුවන් පිරිසක් රැගෙන පැමිණි බස් රථයක් අද (පෙබරවාරි 22) අලුයම අනුරාධපුරයේදී ගිනි ගැනීමකට ලක්ව තිබේ.
එහිදී බස් රථය තුළ සිටි පුද්ගලයෙකු මියගොස් ඇති බව සඳහන්.
අනුරාධපුර උඩමළුව පොලිස් වසමේ ජේතවනාරාමය අසල විශ්‍රාම ශාලාවක් ආසන්නයේ වන්දනා නඩයක් රැගෙන පැමිණ තිබූ බස් රථයක් මෙසේ ගිනිගැනීමට ලක්ව ඇත. වන්දනාකරුවන් පිරිස විශ්‍රාම ශාලාවේ නවාතැන් ගෙන ඇති අතර බස් රථයේ සිටි පුද්ගලයෙකු ගින්න්හට හසුවී මරණයට පත්ව ඇති බවයි පොලීසිය සඳහන් කළේ.
මෙසේ මියගොස් ඇත්තේ ඇඹිලිපිටිය ප්‍රදේශයේ පදිංචි 55 හැවිරිදි අයෙකි.
