සටහන – රුවන් නෙළුගොල්ල
එළඹෙන සිංහල – හින්දු අලුත් අවුරුද්දෙන් පසු ස්ථිර වශයෙන්ම පළාත් පාලන මැතිවරණය පැවැත්වෙනු ඇති බව පළාත් සභා හා පළාත් පාලන නියෝජ්‍ය අමාත්‍ය රුවන් සෙනරත් පවසයි.
“රජය විශේෂයෙන්ම පළාත් පාලන මැතිවරණය ස්ථිර වශයෙන්ම පවත්වනවා. දැනට තියෙන්නෙ මැතිවරණ කොමිසමේ කටයුතු. අපි හිතනවා මැතිවරණ කොමිසම තව දවස් කිහිපයකින් ස්ථිර වශයෙන්ම ඡන්දය පවත්වන දින වකවානු ටික ගැසට් කරාවි, තීන්දුවක් දේවි. ඒ අනුව දැනටමත් ඒ අය අපෙන් ඉල්ලීමක් කළා විශේෂයෙන්ම අමාත්‍යාංශයෙන්, මැතිවරණයෙන් පස්සේ සභිකයින් පත්වෙන දින තීන්දු කරන්න කියලා. ඒ අනුව ජුනි මාසෙ දෙවනිදා සභාව පිහිටුවන්න ඕනෙ කියලා දැනට තීන්දු අරන් තිබෙනවා. ඒ කියන්නෙ මාසෙක කාලයක් ඉල්ලුවා, ඡන්දය පවත්වලා මාසෙක කාලයක්. ඉතින් අපි හිතනවා අවුරුද්ද කාලා අපි ඡන්දයට යමු. දැන් අවුරුදු මාසෙ ඡන්දෙ එනවා ස්ථිර වශයෙන්ම”
රුවන් සෙනරත් නියෝජ්‍ය අමාත්‍යවරයා මේ බව පැවසුවේ ඊයේ (පෙබරවාරි 23) හම්බන්තොට ප්‍රදේශයේදී මාධ්‍ය වෙත අදහස් දක්වමිනි.
