සටහන: සශිකලා මධුෂාණි
පෙබරවාරි 24; ලෝකය(අවුට්බවුන්ඩ් ටුඩේ) : එක්සත් ජනපද ජනාධිපති ඩොනල්ඩ් ට්‍රම්ප් විසින් ලොව විශාලතම ආධාර ඒජන්සිවලින් එකක් වන ජාත්‍යන්තර සංවර්ධනය සඳහා වූ එක්සත් ජනපද නියෝජිතායතනය (USAID)යේ සේවකයන් 2,000ක් පමණ වැටුප් සහිතව අනිවාර්ය නිවාඩු යවා ඇති බව වාර්තා වේ.
සිවිල් විදේශ ආධාර සහ සංවර්ධන ආධාර පරිපාලනය සඳහා වගකිව යුතු එක්සත් ජනපද රජයේ ස්වාධීන ආයතනයක් වන USAIDහි 2025 ජනවාරි මාසයේදී, ට්‍රම්ප් පරිපාලනය විදේශ ආධාර සම්පූර්ණයෙන්ම අත්හිටුවීමට නියෝග කරන ලදී. එලෝන් මස්ක් යටතේ රජයේ වියදම් කපා හැරීම වෙනුවෙන් ක්‍රියාත්මක වන රජයේ කාර්යක්ෂමතා දෙපාර්තමේන්තුව මඟින් මෙහි සේවක සංඛ්‍යාව සේවක සංඛ්‍යාව 10,000 සිට 290 දක්වා අඩු කිරීමට සැලසුම් කර ඇත.
රාජ්‍ය ලේකම් මාර්කෝ රුබියෝ මේ මස මුලදී ඩොනල්ඩ් ට්‍රම්ප් විසින් වැඩබලන USAid පරිපාලක ලෙස පත් කරන ලද අතර එක්සත් ජනපද ජනාධිපතිවරයා බලයට පත්වීමෙන් ටික කලකට පසු විදේශ ආධාර සඳහා දින 90 ක විරාමයක් නියම කළේය, කුසගින්න සහ මාරාන්තික රෝග වලට එරෙහිව සටන් කරන වැඩසටහන් වල සිට ලොව පුරා අවතැන් වූ මිලියන සංඛ්‍යාත ජනතාවට නවාතැන් සැපයීම දක්වා සෑම දෙයක් සඳහාම අරමුදල් සැපයීම නතර කර ඇත.
