රෂිකා හෙන්නායක මාර්තු 02, කොළඹ (LNW):
2008 මැයි මාසයේදී ශ්‍රී ලාංකික මාධ්‍යවේදී කීත් නොයාර් පැහැරගෙන ගොස් පහරදීමේ සිද්ධිය සම්බන්ධයෙන් සැකකරුවන් දෙදෙනෙකු අත්අඩංගුවට ගෙන තිබේ.
අපරාධ පරීක්ෂණ දෙපාර්තමේන්තුවේ (CID) නිලධාරීන් විසින් ඊයේ (01) නවගත්තේගම සහ ඇලයපත්තුව ප්‍රදේශවලදී සැකකරුවන් අත්අඩංගුවට ගෙන ඇති බව පොලීසිය සඳහන් කළේය.
සැකකරුවන් අවුරුදු 42 සහ 46 යන වයස්වල පසුවන ශ්‍රී ලංකා යුද හමුදාවේ හිටපු බුද්ධි අංශ සාමාජිකයින් බවට හඳුනාගෙන ඇත.
අපරාධ පරීක්ෂණ දෙපාර්තමේන්තුව වැඩිදුර පරීක්ෂණ පවත්වයි.
ශ්‍රී ලාංකික මාධ්‍යවේදී කීත් නොයාර් 2008 මැයි 22 වන දින දෙහිවල වෛද්‍ය පාරේදී පැහැරගෙන ගොස් ඇති අතර, පසුව ඔහුට පහර දී පසුව නිදහස් කරන ලදී.
