විදේශ සංචිත සුළු වශයෙන් ඉහළට

සටහන – රුවන් නෙළුගොල්ල

2025 පෙබරවාරි මාසය අවසන් වෙද්දී ශ්‍රී ලංකා මහබැංකුව සතු නිල සංචිත වත්කම් ප්‍රමාණය සුළු වශයෙන් ඉහළ ගොස් ඇති බව නවතම දත්ත වාර්තා පෙන්නුම් කරයි.

ඒ අනුව 2025 ජනවාරි මාසය අවසන් වෙද්දී ඇමරිකානු ඩොලර් මිලියන 6065ක් වශයෙන් පැවති නිල සංචිත වත්කම් ප්‍රමාණය 2025 පෙබරවාරි මාසය අවසන් වෙද්දී ඇ.ඩො. මිලියන 6095ක් දක්වා ඉහළ ගොස් ඇත. එය 0.5 % ක වර්ධනයකි.

මෙම නිල සංචිත වත්කම් තුළ අන්තර්ගත ප්‍රධාන සංරචකය වන විදේශ විනිමය සංචිතය ජනවාරියේ පැවති ඇ.ඩො. මිලියන 5986 සිට පෙබරවාරි අවසානයේදී 6031ක් දක්වා ඉහළ ගොස් ඇති අතර එය ප්‍රතිශතයක් වශයෙන් 0.7% ක ඉහළ යාමකි.