කොළඹ LNW:ආණ්ඩුවේ පළමු වසර තුළ ව්‍යවසායකයින් ලක්ෂයක් ගොඩනැගීම ඉලක්කයක් වන බව නිවාස නියෝජ්‍ය අමාත්‍ය ටී.බී.සරත් මහතා පවසයි.
එලෙස ව්‍යවසායකයින් හැදීම පමණක් නොව ඔවුන්ට අවශ්‍ය දේශීය මෙන්ම ජාත්‍යන්තර වෙළෙඳපොළ සකස් කිරීමද ආණ්ඩුවේ වගකීමක් බවයි නියෝජ්‍ය අමාත්‍යවරයා සඳහන් කරන්නේ.
මීට පෙර ව්‍යවසායකයන් බිහිකිරීමට වඩා වත්මන ආණ්ඩුව ඊට වෙනස් ප්‍රවේශයක් ලබාගෙන තිබෙන අතර ව්‍යවසායකයින් රැකබලා ගැනීම,දේශීය හා ජාත්‍යන්තර වෙළෙඳපොළ නිර්මාණය කිරීම,ව්‍යවසායකයින්ට හොඳ අනාගතයක් ගොඩනැගීම වෙනුවෙන් ඔවුන්ට මඟ නොහැර සිටීමටද ආණ්ඩුවට වගකීමක් තිබෙන බව ඔහු කියාසිටියි.
එමෙන්ම කුඩා නිෂ්පාදකයාගේ සිට මහා පරිමාණ නිෂ්පාදකයෙක් දක්වා ගෙනයාම වෙනුවෙන් වූ මඟපෙන්වීමත් රජය කළ යුතු වන බව නියෝජ්‍ය අමාත්‍යවරයා පවසයි.
නියෝජ්‍ය අමාත්‍යවරයා මෙම අදහස් දක්වා සිටියේ 2025 ස්වයං රැකියා සහ ව්‍යවසායකත්ව සංවර්ධන වැඩසටහනට එක්වෙමිනි.
ආශිකා බ්‍රාහ්මණ
