රෂිකා හෙන්නායක මාර්තු 15, කොළඹ (LNW):
පුද්ගලික ආරවුලක් දුරදිගයාමෙන් , ග්‍රෑන්ඩ් පාස් පොලිස් වසමේ වෙහෙරගොඩැල්ල ප්‍රදේශයේදී දෙපිරිසක් අතර ඇති වූ ගැටුමකින් පුද්ගලයින් දෙදෙනෙකු ජීවිතක්ෂයට පත් වූ බව වාර්තා වේ.
ඔවුන් කැපුම් තුවාල හේතුවෙන් කොළඹ ජාතික රෝහලට ඇතුළත් කළ පසු මියගොස් තිබෙන අතර, මෙසේ මිය ගොස් ඇත්තේ වයස අවුරුදු 23 ක පුද්ගලයින් දෙදෙනෙක් බව පැවසේ.
පොලීසිය පවසන්නේ, සිද්ධියට සම්බන්ධ බවට සැකකෙරෙන දෙදෙනෙකු පිළිබඳ තොරතුරු අනාවරණය කරගෙන ඇති බවයි.
