කොළඹ LNW:පාස්කු ප්‍රහාරය වසන් කිරීමේ චෝදනාවට කෝටිපති ව්‍යාපාරික මොහොමඩ් ඊබ්‍රාහීම් සහ ඔහුගේ පුතුන් දෙදෙනෙකුට එරෙහිව පවරා තිබෙන නඩුවේ විභාගය ජූලි මස 2වනදා දක්වා කල් තැබීමට කොළඹ මහාධිකරණය අද (24)තීන්දු කළේය.
පාස්කු ඉරුදින ත්‍රස්ත ප්‍රහාරය ඉල්ලකළ මරා ගැන මැරෙන බෝම්බකරුවන් වන ඉන්සාබ් අහමඩ් සහ ඉල්හාම් අහමඩ් යන යන පුද්ගලයින් පිළිබඳ තොරතුරු ආරක්ෂක අංශවලට වසන් කිරීම තුළින් ත්‍රස්තවාදය වැළැක්වීමේ පනත යටතේ වරදක් සිදුකළේ යැයි චෝදනා කරමින් නීතිපතිවරයා විසින් මෙම නඩුව පවරා තිබේ.
නඩුව කැඳවූ අවස්ථාවේ මෙම නඩුවේ සාක්ෂිකාරියක වන මොහොමඩ් ඊබ්‍රාහීම්ගේ නිවසේ සේවය කළ තැනැත්තිය විදේශගතවී ඇති බව අනාවරණය වූ අතර තවත් සාක්ෂිකාරියක විදේශගතවීමේ අවදානමක් පවතින බවයි පැමිණිල්ල මෙහෙයවන නියෝජ්‍ය සොලිසිටර් ජනරාල් ලක්මිනී ගිරිහාගම මෙනෙවිය පැවසුවේ.
ඒ අනුව අදාළ සාක්ෂිකාරියවෙත යළි සිතාසි නිකුත් කිරීමට නියෝග කරන ලදී.
ඇය විදේශගතවීමට අදාළ වාර්තා ආගමන විගමන දෙපාර්තමේන්තුවෙන් කැඳවා අධිකරණයට ඉදිරිපත් කරන ලෙස ද අපරාධ පරික්ෂණ දෙපාර්තමේන්තුවට අධිකරණය නියෝග කළේය.
ආශිකා බ්‍රාහ්මණ
